2013 წლის 28 ივნისს საქართველოში სომეხთა ეპარქიის წინამძღვრის მრჩეველი ლევონ ისახანიანი, საქართველოში სომეხთა ეპარქიის „ჰაიარტუნ“ ცენტრის კოორდინატორი ლევონ ჩიდილიანი და „ჰაიარტუნ“ ცენტრის საინფორმაციო ტექნოლოგიათა განყოფილების ხელმძღვანელი ვალერი ბადალიანი დაესწრნენ ევროკავშირის აღმოსავლეთ პარტნიორობის კულტურის პროგრამის მინისტერიალს.

კონფერენციას ესწრებოდნენ განათლების, კულტურის, მულტილინგვიზმისა და ახალგაზრდობის საკითხებში ევროკომისარი, საქართველოს, სომხეთის, აზერბაიჯანის, უკრაინის, მოლდოვას, პოლონეთისა და ლიტვის კულტურის მინისტრები, დიპლომატები, ასევე ევროპის ქვეყნების მაღალი თანამდებობის პირები.