2015 წლის 14 მარტს, თბილისის „სურბ ეჯმიაწინ“ ეკლესიის რეზიდენციაში გაიმართა საქართველოს სომხურენოვანი საჯარო სკოლების ხელმძღვანელთა შეხვედრა საქართველოს სომეხთა ეპარქიის წინამძღვართან მის ყოვლადუსამღვდელოესობა ეპისკოპოს ვაზგენ მირზახანიანთან. შეხვედრაში მონაწილეობდნენ მარნეულის რაიონის მირზოევკის, ჩანახჩის, შაუმიანის პირველ და მესამე, ბოლნისის რაიონის ბოლნის-ხაჩენის და კიანეთის, თეთრიწყაროს რაიონის სამშვილდის, ასევე დედაქალაქ თბილისის 103-ე და 104-ე საჯარო სკოლების დირექტორები და სასწავლო ნაწილის გამგეები. შეხვედრას ესწრებოდა ასევე საქართველოს სომეხთა ეპარქიის განათლების განყოფილების დირექტორი ევგენია მარკოსიანი.

ეპარქიის ლიდერი მიესალმა დამსწრეებს და დაინტერესდა დედაქალაქში და სომხებით დასახლებულ დასახლებებში სომხური ენის სწავლებით სკოლების მოსწავლეთა რაოდენობის, სახელმძღვანელოების, პროგრამების, საგნობრივი სპეციალისტებით უზრუნველყოფილობის და სხვა საკითხებით.

შეხვედრის დამსწრე ყოველმა ხელმძღვანელმა ისაუბრა მის სკოლაში სასწავლო-აღმზრდელობითი სამუშაოების, სახელმძღვანელოების, პროგრამების შესახებ, ხაზი გაუსვა განათლების სფეროს მიმართ გამოჩენილ ყურადღებას როგორც საქართველოს, ასევე სომხეთის რესპუბლიკის განათლებისა და მეცნიერების სამინისტროების და რესურს-ცენტრების მხრიდან.

ეპარქიის წინამძღვარმა შეაჯამა შეხვედრა, სამუშაოთა გაუმჯობესების და დახვეწის საშუალება უწოდა ყოველწლიურად სრ განათლებისა და მეცნიერების და დიასპორის სამინისტროების ორგანიზებით ჩატარებულ გადამზადების ტრენინგებს და დამსწრეებს აუცილებლად მათი სკოლების მასწავლებლების ამ ტრენინგებზე გაგზავნისკენ მოუწოდა, რომლებიც ხელს უწყობენ ჩვენი დროის სულისკვეთების ჰარმონიული ახალგაზრდა თაობის აღზრდას. მისმა ყოვლადუსამღვდელოესობამ ისაუბრა სომეხთა გენოციდის მსხვერპლთა ხსოვნისადმი მიძღვნილ ღონისძიებებზე დედა სამშობლოსა და დიასპორაში და საგანმანათლებლო დაწესებულებების ხელმძღვანელებს მოუწოდა ხსოვნის სხვადასხვა ღონისძიებების ჩატარებისკენ.

წინამძღვარმა თაობების აღზრდისა და განათლების სფეროში არსებული პრობლემების მოგვარების საქმეში მხარდაჭერის მზადყოფნა გამოხატა.