2014 წლის 26-29 მარტს საქართველოს სომეხთა ეპარქიის იურიდიული საკითხების, სახელმწიფო ორგანოებთან ურთიერთობებისა და რელიგიათშორისი თანამშრომლობის განყოფილების უფროსმა, ლევონ ისახანიანმა, მონაწილეობა მიიღო კონფერენციაში "აღმოსავლეთის ქრისტიანთა მოწოდება“, რომელიც ორგანიზებული იყო ლიონის კათოლიკური უნივერსიტეტის მიერ, საფრანგეთის ქალაქ ლიონში.

კონფერენციას ესწრებოდნენ მაღალი რანგის სასულიერო პირები, აკადემიური წრეების წარმომადგენლები, ასევე საფრანგეთის რესპუბლიკის ხელისუფლების წარმომადგენლები.

ლევონ ისახანიანი გამოვიდა მოხსენებით კავკასიაში ქრისტიანთა მდგომარეობის შესახებ, ასევე, მონაწილეობა მიიღო მრგვალ მაგიდაში, საერთაშორისო ურთიერთობებისა და ალიანსების პრიორიტეტების თემაზე . თავის გამოსვლაში სხვა საკითხებთან ერთად, იგი შეეხო საქართველოში სომეხთა ეპარქიის მდგომარეობას, მის მიღწევებსა და პრობლემატურ საკითხებს, მათ შორის, საბჭოთა პერიოდში ეპარქიისთვის ჩამორთმეული ქონების რესტიტუციას.