ჯავახეთის სოფელ განძაში მღვდელ სუქიას ტერ-გრიგორიანის მრავალსულიან ოჯახში 1885 წლის 9 თებერვალს დაიბადა დიდი სომეხი პოეტი ვაჰან ტერიანი.

9 თებერვალს, როგორც ყოველთვის, პოეტის მშობლიურ სოფელში ხალხმრავლობა იყო და საზეიმო განწყობა. ვაჰან-ტერიანის სახლ-მუზეუმში კვლავ ტერიანული პოეზიის სული სუფევდა და ამ მყუდრო გარემოში ლირიკული პოეზიის განუმეორებელ ხიბლი ვრცელდებოდა.

ნინოწმინდისა და მიმდებარე სოფლების სულიერმა მოძღვარმა მღვდელმა არმაშ პოღოსიანმა და ახალქალაქისა და მიმდებარე სოფლების სულიერმა მოძღვარმა მღვდელმა ტათევ მარუქიანმა ტერიანის ბინაში შეასრულეს კურთხევის წესი, დამსწრეებს მოუწოდეს მარად ახსოვდეთ პოეტი და ღირსეულად დააფასონ მისი ლიტერატურული ღვაწლი.  

შემდეგ ტერიანის პოეზიის მოყვარულები მუზეუმში დაესწრნენ ტერიანული დღესასწაულის საზეიმო ნაწილს. სასკოლო ასაკის ბავშვებმა მაყურებელს წარუდგინეს ტერიანის ლექსების ლამაზი  ანთოლოგია.