2018 წლის 31 ივლისს,   ქალაქ ბათუმის ზღვისპირა ბულვარში, კოლონადებისკენ მიმავალ ალეაზე    მოეწყო  ეროვნულ უმცირესობათა კულტურის ფესტივალი. ეროვნულმა სათვისტომოებმა, გაერთიანებებმა, ცენტრებმა წარმოადგინეს   გერმანული,  ბერძნული, უკრაინული, ებრაული,  სომხური    ნაციონალური სამზარეულოს    კერძები, სურათები, სამოსი და სხვა  ნივთები, რომლებიც ასოცირდება მათ ეროვნებასთან, გამოვიდნენ ნაციონალური ცეკვებითა და სიმღერებით.
სომხური ნაციონალური კულტურა წარმოადგინა საქართველოს სომეხთა ეპარქიის ბათუმის „ალექსანდრე მანთაშიანცის“ სახელობის   განათლების, კულტურის და ახალგაზრდობის ცენტრმა, ხელმძღვანელ სონა ჰოვანისიანის თაოსნობით. სომხურ პავილიონში მოთავსებული იყო სომხური სურნელოვანი ტოლმა, ცხიმიანი  ჰარისა, არარატის ტკბილი ფლავი  და ასევე მხატვრულად გაფორმებული ხილი. სომხური პავილიონის მშვენებად იქცა „ჰეღნარ“ ანსამბლის მიერ შესრულებული ცეკვა „ქოჩარი“.