|
Լուրեր
|
|
2018 թվականի հուլիսի 31-ին, Բաթումի առափնյա զբոսայգում, դեպի սյունաշար տանող ծառուղու վրա կայացավ ազգային փոքրամասնությունների մշակույթի փառատոն: Ազգային համայնքները, միավորումները, կենտրոնները ներկայացրեցին հունական, հայկական, ուկրաինական, աբխազական, գերմանական, հրեական ազգային խոհանոցից նմուշներ, գեղարվեստական ստեղծագործություններ, հանդես եկան ազգային պարերով ու երգերով:
Հայոց ազգային մշակույթը ներկայացրեց Վիրահայոց թեմի Բաթումիի «Ալ. Մանթաշյանց» կրթամշակությաին և երիտասարդական կենտրոնը ղեկավար Սոնա Հովհաննիսյանի գլխավորությամբ: Հայկական տաղավարին զետեղված էին ազգային բուրումնավետ տոլման, յուղալի հարիսան, արարատյան քաղցր փլավը , ինչպես նաև գեղարվեստորեն զարդարված մրգեր: Հայկական տաղավարն իր կատարելությանը հասավ, երբ կենտրոնի «Հեղնար» համույթի կատարմամբ ներկայացվեց հայոց ազգային «Քոչարի» պարը:
|
