იესო ქრისტეს   ამაღლების დღესასწაული მოძრავია  და ჩვენი უფლის, იესო ქრისტეს ბრწყინვალე აღდგომიდან  40 დღის შემდეგ აღინიშნება.    ქრისტეს ამაღლებით გაიხსნა ზეცისაკენ მიმავალი გზა.   
 ამაღლება ბუნების ნაყოფიერების და გამოღვიძების, მცენარეულობის აღმოცენების დღესასწაულია. ამაღლების დღესასწაულზე ხალხი სიმღერითა და ცეკვით, მხიარულად გადიოდა მინდვრებში,   მადლობას უხდიდა  ყოვლისშემძლეს, იესო ქრისტეს ხსნისთვის.
2018 წელს დღესასწაული აღინიშნა 10 მაისს. წელსაც, ტრადიციისამებრ, ამაღლების დღესასწაული დიდი ზეიმით აღინიშნა ახალქალაქის რაიონის სოფელ კუმურდოში. დღესასწაული დაიწყო საქართველოს სომეხთა ეპარქიის კუმურდოს „სურბ ხაჩ“ ეკლესიაში.   
ახალქალაქისა და მიმდებარე სოფლების სულიერმა მოძღვარმა, ღირსმა დეკანოზმა  ეღიშე ჰარუთიუნიანმა აღავლინა ამაღლების საღმრთო ლიტურგია, რომლის დროსაც ღირსმა მღვდელმა იქადაგა, განმარტა დღის საიდუმლო და მორწმუნეებს მიულოცა დღესასწაული.   
ეკლესიაში შეკრებილ უამრავ კუმურდოელს შეუერთდნენ ახალქალაქის „სურბ ხაჩ“ ეკლესიის მომლოცველები და  სამცხე- ჯავახეთისა და წალკის საერთო ეპარქიალური ვიკარიატის „ჯავახეთის ხმები“ სიმღერის გუნდის აღსაზრდელები.  
საღმრთო ლიტურგიის შემდეგ კუმურდოს „სურბ ხაჩ“ ეკლესიის ეზოში სახალხო ზეიმი გაიმართა - ჯანგიულუმის ცერემონია და ამაღლების  ტრადიციული კერძით - ჰარისით, გამასპინძლება, ეკლესიის ჯვრის ნათლიის, ვალერი საჰარიანის ოჯახის სახელით.  
საზეიმო განწყობაზე იყო ყველა კუმურდოელი - დიდი თუ პატარა.