2018 წლის 24 აპრილს,   სომეხთა გენოციდის 103-ე წლისთავი საღმრთო ლიტურგიით აღინიშნა  სამცხე-ჯავახეთისა და წალკის საერთო ეპარქიალური ვიკარიატის ახალციხის „სურბ გრიგორ ლუსავორიჩ“ ეკლესიაში, ახალციხისა და ბორჯომის რაიონების სულიერი ინსპექტორის მღვდელმონაზონ ჰაკობ საჰაკიანის საპატიო წინამძღოლობით.
საღმრთო ლიტურგიის  შემდეგ, ახალციხისა და მიმდებარე სოფლების სომეხი ახალგაზრდები, სულიერი მამების თანხლებით, გაემართნენ გენოციდის წმინდა მოწამეთა ხსოვნისადმი აღმართულ  ხაჩქარისკენ. სულიერმა ინსპექტორმა მღვდელმონაზონმა ჰაკობ საჰაკიანმა და ახალციხისა და მიმდებარე სოფლების სულიერმა მოძღვარმა მღვდელმა თორგომ ვარდანიანმა სომეხთა გენოციდის წმინდანად შერაცხულ  მოწამეთა ხსოვნის წესი შეასრულეს. შემდეგ სიტყვით გამოვიდნენ ახალციხის ინტელიგენციის წარმომადგენლები, ჰოვანეს თუმანიანის სახელობის მე-3 სკოლის მოსწავლეები და ახალგაზრდული  განათლებისა და კულტურის ცენტრის აღსაზრდელები, მათ ერთხელ კიდევ შეახსენეს საზოგადოებას  სომეხი ერისადმი ოსმალეთის თურქეთში განხორციელებული გენოციდის შესახებ.     
ხაჩქართან  სიტყვით გამოვიდა ასევე  საქართველოს პარლამენტში ახალციხის რაიონიდან არჩეული მაჟორიტარი დეპუტატი გიორგი კოპაძე, რომელმაც დაგმო სომეხი ერის მიმართ განხორციელებული   გენოციდი, და  ქალაქის მერ  ზაზა მელიქიძესთან ერთად ყვაველებით შეამკო ხაჩქარი.