2017 წლის 19 ნოემბერს, საქართველოს სომეხთა ეპარქიის     "რაფაელ ჯავახ"  განათლებისა და კულტურის ცენტრში გაიმართა ლიტერატურულ-მუსიკალური ღონისძიება, სახელწოდებით „ჩარენცისეული ლოცვები“. ღონისძიების ორგანიზატორი კლუბი „პარნასი“ იყო,  ხელმძღვანელის, სათიკ სნხჩიანის  ხელმძღვანელობით. საღამოზე შესრულდა დიდი ჩარენცის ცხოვრების ბოლო წლებში დაწერილი  წარმოებები, ნამდვილად ლოცვები, რომლებიც სომხური ლიტერატურული ხელოვნების საოცარი ნიმუშებია.        სამწუხაროდ, საზოგადოებისთვის ეს ნაწარმოებები კარგად არ არის ცნობილი, პოეზიის ეს ნიმუშები პოეტის ერთგვარი დიდებული დაბრუნებაა ქრისტიანული რწმენისკენ, ლოცვა უფლისადმი და მისი - გენიოსის შესაფერისი შერიგება თავის  სიკვდილთან.

  კლუბ „პარნასის“ წევრებმა - ანნა აივაზიანმა, დიანა ალთუნიანმა, ჰრიფსიმე მურადიანმა, ჰასმიკ პოტოღლიანმა, მარინა ნორსოიანმა, ჰასმიკ ღაზარიანმა, ფიალა ბაბოიანმა, ლაურა მზიკიანმა მასწავლებლის დახმარებით აირჩიეს ჩარენცის  ის   ლოცვები, რომლებიც დიდებული პოეტის „ტაღარანის“ მშვენიერი გაგრძელებაა, მისი ლიტერატურული მემკვიდრეობის არც ისე ცნობილი ნიმუშები.

ლიტერატურულ-მუსიკალური ღონისძიების მიმდინარეობისას დეკლამატორები არა მხოლოდ გონივრულ პასუხებს სცემდნენ მასწავლებელ სათიკ სნხჩიანის დასმულ კითხვებს, არამედ დეკლამაციას ახდენდნენ სათანადო ოსტატობით, რისთვისაც იმსახურებდნენ დამსწრეთა ოვაციებს.

ღონისძიების მუსიკალური გაფორმება უზრუნველყო „არავოტ ლუსო“ გუნდის ხელმძღვანელმა ირინა ღარსლიანმა. სოლისტების - არსენ აშჯოიანის, გორ ტერტერიანის, სუზანნა ელოიანის, როზა კულახსზიანის და გუნდის შესრულება ჰარმონიულად ერწყმოდა ღონისძიების სულისკვეთებას.

ლიტერატურულ-მუსიკალურ ღონისძიებას  მაღალი შეფასება მისცა და დამსწრეებს კურთხევის სიტყვით მიმართა ნინოწმინდის „სურბ სარგის“ ეკლესიის და რაიონის სომხების სულიერმა მოძღვარმა ღირსმა მღვდელმა არმაშ პოღოსიანმა.

„რაფაელ ჯავახ“  ცენტრის ხელმძღვანელ ჟორა სნხჩიანისგან მონაწილეებმა  საჩუქრად მიიღეს საქართველოს სომეხ მწერალთა „ვერნატუნ“ კავშირის   მე -11 წელიწდეული.