2017 წლის 17 ივნისს, თბილისში, საქართველოს ძიუდოს ფედერაციის სპორტის სასახლეში გაიმართა ქართული საერთაშორისო ცეკვის ფესტივალი რომან არჯაიას სახელობის თასისთვის. ფესტივალი მიეძღვნა  ტურნირის მე-20 წლისთავს.  ორგანიზატორები იყვნენ WDC # ADC საქართველოს ცეკვისა და სპორტული  ცეკვების პროფესიონალთა  ეროვნული საბჭო და თბილისის კულტურული  ღონისძიებების ცენტრი. ფესტივალში  მონაწილეობდნენ სხვადასხვა ეროვნული ქორეოგრაფიული ანსამბლები.

ერთმანეთის მიყოლებით შესრულდა ეროვნული და ხალხური ცეკვები: აფხაზური, ოსური, ბოშური,  ესპანური, ლათინურ  ამერიკული,  ინდური, მოლდოვური, საქართველოს  ეთნიკური უმცირესობების და სხვა.

უკვე მეორე წელია ფესტივალში მონაწილეობს საქართველოს სომეხთა ეპარქიის „ჰაიარტუნ“  ცენტრის  (ხელმძღვანელი: ლევონ ჩიდილიანი) "ტარონ" ქორეოგრაფიული ანსამბლი. ქორეოგრაფ სურენ აბრამიანის გადაწყვეტილებით, ფესტივალზე „კარნო ქოჩარი“ და „შავალი-ხოშ ბილაზიკ“   ხალხური ცეკვების შესრულებით გამოვიდა ანსამბლის უმცროს მოცეკვავეთა 7-12 წლი 22 მოზარდისგან შემდგარი ჯგუფი. ანსამბლმა მედეგი და  ცეცხლოვანი ცეკვების მშვენიერი შესრულებით  მაყურებლის ყურადღება, სიმპათია  და მხურვალე   ტაში დაიმსახურა.

სულ წელიწადნახევრის წინ ჩამოყალიბებული ანსამბლი ეჯიბრებოდა ანსამბლებს "ფანტაზია", "ინდრა დენს-ფორუმი“ და „ინდური ბოლივუდი“. ჟიურის ერთსულოვანი გადაწყვეტილებით „ტარონ“ ქორეოგრაფიული ანსამბლმა ფესტივალ-კონკურსში დაიკავა პირველი ადგილი და დაიმსახურა ოქროს მედალი და მონაწილეობის სერტიფიკატი. უმცროს მოცეკვავეთა ჯგუფის წარმატება მომავალში მწვერვალების დაპყრობის   საწინდარია.