Վրաստանի վաստակավոր արտիստուհի, երգահան Նունու Գաբունիայի հետ հայ երաժշտասեր հասարակայնության հանդիպումը դարձավ Վիրահայոց թեմ «Հայարտուն» կենտրոնի հերթական մշակութային միջոցառումը, որը նախաձեռնել էր «Հայարտուն» կենտրոնը: Հանդիպումը կայացավ հունիսի 26-ին, ներկա էին ճանաչված երգահանի սաները,նրանց ծնողները, հյուրեր, հայ և վրացի երաժշտասեր հասարակայնության ներկայացուցիչներ: Միջոցառման վարող Աննա Պողոսովան ներկայացրեց ճանաչված երգահանի համառոտ կենսագրությունը, նրա ստեղծագործությունը՝ հայտնի երգերը, մանկական գործերը,կինոյի և անիմացիոն ֆիլմերի համար գրված երաժշտությունը: Արժեվորվեց Վրաստանի մշակույթի և հուշարձանների պահպանության նախարարության նախաձեռնությամբ, 2012 թվականի նոյեմբերին Թբիլիսիի համերգային դահլիճի առջև բացված Վրաստանի վաստակավոր արտիստուհի, Թբիլիսիի պատվավոր քաղաքացի Նունու Գաբունիայի աստղը:

Նինոծմինդայի շրջանի Մեծ Արագյալ գյուղում հունիսի 24-ին, հանդիսապետությամբ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի, մասնակցությամբ Սամցխե-Ջավախքի ընդհանուր առաջնորդական փոխանորդ Տ. Բաբգէն վարդապետ Սալբիյանի և հոգևոր դասի, կատարվեց գյուղի հնօրյա խոնարհված Սուրբ Խաչ եկեղեցու տեղում կառուցվող եկեղեցու հիմնարկեքի արարողություն:

Վիրահայոց թեմի «Հայարտուն» կենտրոնի մեծ սրահում, ընթացիկ տարվա հունիսի 22-ին կայացավ համերգ, որը դարձավ կենտրոնի ստեղծագործական խմբակների մեկ տարվա աշխատանքների հաշվետվություն: Համերգին ներկա էին Վրաստանում ՀՀ դեսպանության խորհրդական Կարեն Մելիքյանը, թեմի հոգևոր դասը, կենտրոնի պաշտոնեությունը, ծնողներ, հյուրեր: Միջոցառումը սկսվեց Տերունական աղոթքով և Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի օրհնությամբ:

Սույն թվականի հունիսի 21-ին, Վիրահայոց թեմի «Հայարտուն» կենտրոնի Գալուստ Գյուլբենկյան սրահում, տեղի ունեցավ «Սբ.Մովսես Խորենացի» նախակրթարանի 2013-2014 ուսումնական տարվա շրջանավարտների ավարտական հանդեսը: Տոնականորեն զարդարված դահլիճը ավելի էր գեղեցկացել նախակրթարանի սաների հագուստից և ծաղիկների առատությունից: