2017 წლის 27 მაისს, საქართველოს სომეხთა ეპარქიის „ჰაიარტუნ“  ცენტრის გალუსტ გიულბენკიანის სახელობის დარბაზში გაიმართა  ქართული პოეზიის სომხური ანთოლოგიის პრეზენტაცია.  ღონისძიებას ესწრებოდა თანაავტორი, სომხეთის მწერალთა კავშირის წევრი, პოეტი,   მთარგმნელი, გაგიკ დავთიანი.

2017 წლის 28 მაისს, საზეიმო განწყობა იყო თბილისის სომხურ საზოგადოებაში. ხალხი მიიჩქაროდა თბილისის უძველეს მეიდნის უბანში, საზეიმო დღისადმი მიძღვნილ   საღმრთო ლიტურგიაში მონაწილეობის მისაღებად.

2017 წლის 25 მაისს, სომეხთა   სამოციქულო მართლმადიდებელმა წმიდა ეკლესიამ აღნიშნა   იესო ქრისტეს ამაღლების დღესასწაული. ამ  დღესასწაულზე აღინიშნება    1441 წელს სრულიად სომეხთა კათოლიკოსატის   სის  ქალაქიდან მთავარ საკათედრო ეჯმიაწინში გადმოტანის ისტორიული დღე. სრულიად სომეხთა კათოლიკოსის, უწმინდესისა და უნეტარესის, გარეგინ მეორის განკარგულებით ეს დღესასწაული გამოცხადდა ასევე წმინდა ეჯმიაწინის მომლოცველობის დღედ.

2017 წლის 28 მაისი სომეხი ხალხისთვის  იყო ორმაგად სადღესასწაულო:   მეორე ბზობის დღე  -  ზეცად ამაღლებული ქრისტეს დახვედრა ანგელოზების მიერ,  და პირველი სომხური რესპუბლიკის 99-ე წლისთავი.  ბათუმში დღესასწაული დაიწყო „სურბ ფრკიჩ“  ეკლესიაში, სადაც ადგილობრივი სომხების სულიერმა მოძღვარმა , მღვდელმა არარატ გუმბალიანმა აღავლინა საკვირაო საღმრთო ლიტურგია, სამღვდელოების მონაწილეობით რესპუბლიკის სახელით წირვა-ლოცვა აღევლინა.