საქართველოში სომეხთა ეპარქიის "ჰაიარტუნ“ საგანმანათლებლო-კულტურული ცენტრის ინიციატივით, 14 მაისს შედგა ახალადჩამოყალიბებული ვოკალურ-ინსტრუმენტალური ანსამბლის პრეზენტაცია. ქართული „ნაპერწკალი“, "იმედი", "გაზაფხულის" და მრავალი სხვა მსგავსი ანსამბლის გამოცდილმა ხელმძღვანელმა ვლადიმირ ასატუროვმა განიზრახა, „ჰაიარტუნ“ ცენტრის ეგიდით, ვოკალურ -ინსტრუმენტული ანსამბლის ჩამოყალიბება.

ამ უკანასკნელმა წარადგინა ანსამბლის მოღვაწეობის მიზანი, მიმართულებები, მუსიკალური საკრავების სახეობები და სამომავლო პერსპექტივები.

         ანსამბლში ჩართულები არიან 13-16 წლის, თბილისის სხვადასხვა სკოლების მოსწავლეები. აღსანიშნავია, რომ ყოველ მუსიკალურ საკრავზე დაკვრას ისწავლის ორ-ორი ვაჟი, ამგვარად მომზადდება სარეზერვო კადრებიც. დასარტყამ ინსტრუმენტებზე დაკვრას ისწავლიან დანტეს ვარდანიანი, დავით ხარატიანი, გიტარაზე დაკვრის ცოდნას გაიღრმავებენ გარი ამირხანიანი და ალექსანდრე საროიანი, ფორტეპიანოზე - ედუარდ ზალინიანი. მეცადინეობები ჩატარდება კვირაში სამჯერ. დღეს, პრეზენტაციის შემდეგ ჩატარდა პირველი მეცადინეობა.