15 თებერვალს თბილისის 202- ე საჯარო სკოლას (დირექტორი ხათუნა ჭალაღონია) ესტუმრა "ქართული ოცნება" პარტიის წევრები ჯუმბერ ახვლედიანი, მარინა დავითურია, გოგა ელიბეკოვი, „კეთილი სამარიტელი“ ორგანიზაციის საქართველოს კოორდინატორის მოადგილე კარენ ერიციანი, სომეხთა სამოციქულო წმინდა

მართლმადიდებელი ეკლესიის საქართველოს ეპარქიის წარმომადგენლები ვალერი ბადალიანი და როდიონ სააკიანი, სტუმრებმა ბავშვებს მოუტანეს „კეთილი სამარიტელი“ საერთაშორისო ორგანიზაციის საჩუქრები.

სკოლა, რომელსაც აქვს უსინათლოთა სპეციალიზებული პანსიონის სტატუსი, სტუმრების პატივსაცემად მოაწყო ლამაზი კონცერტი, რომელშიც მონაწილეობდნენ სკოლის გუნდი, ხალხური საკრავების ანსამბლი და ინდივიდუალური შემსრულებლები. ბრწყინვალე შესრულებებით სტუმრები აღაფრთოვანეს სკოლის მოწაფეებმა, საერთაშორისო ფესტივალების მონაწილეებმა და ლაურეატებმა მერი პაპუაშვილმა და ანა სიხიაშვილმა, გიორგი მოკბანიანმა, მაიკო კუციამ, ნიკა წიკლაურმა და სხვებმა.

სკოლის ყველა აღსაზრდელმა მიიღო "კეთილი სამარიტელი" ორგანიზაციის საჩუქრები.