| სკოლის ბოლო ზარი და დამოუკიდებელი ცხოვრების დასაწყისი |
 |
 |
 |
|
2015 წლის 30 მაისს, თბილისის 104-ე სომხური საჯარო სკოლის 2014-15 სასწავლო წლის გამოსაშვები კლასის გამოსამშვიდობებელი ზეიმი იყო. სკოლის დარბაზი ვერ იტევდა დღესასწაულზე დასწრების ყველა მსურველს. კურსდამთავრებულთა მოსალოცად იყვნენ მოსული საქართველოს პარლამენტის წევრი რუსლან პოღოსიანი, გაზეთ „ვრასტანის“ რედაქტორი ვან ბაიბურთიანი, საქართველოს განათლებისა და მეცნიერების სამინისტროს ეროვნული სასწავლო გეგმებისა და შეფასების დეპარტამენტის კოორდინატორი კარინე მანუკიანი, "ჰაიარტუნ" ცენტრის ხელმძღვანელი ლევონ ჩიდილიანი და სხვები. დარბაზში საპატიო ადგილები ეკავათ საქართველოს სომეხთა ეპარქიის „სურბ მოვსეს ხორენაცი“ საბავშვო ბაღის აღსაზრდელებს, რომლებმაც სკოლაში უნდა შეცვალონ მე-12 კლასელები, მასწავლებლების ოქსანა შაროიანის, ოქსანა ოსიპოვას და დირექტორ ევგენია მარკოსიანის ხელმძღვანელობით. ბავშვები ლამაზ ეროვნულ კოსტიუმებში იყვნენ გამოწყობილნი. მათ მიულოცეს მე-12 კლასელებს სკოლის დამთავრება, უსურვეს წარმატებები დაჰპირდნენ, რომ იქნებიან მათი ღირსეული შემცვლელები. კურსდამთავრებულებმა სიმღერით, ცეკვით, ლექსებით შექმნეს სადღესასწაულო განწყობა, მადლიერება გამოუხატეს და თაყვანი სცეს დამრიგებელ ალინა ავეტიანს, დირექტორ ირინა ჟამკოჩიანს, სასწავლო ნაწილის გამგე ალმარი სირადეგიანს, ყველა მასწავლებელს სათითაოდ, ბოდიში მოუხადეს მათ ბავშვური ცელქობებისათვის და მადლობა გადაუხადეს- მიღებული ცოდნისათვის. კურსდამთავრებულებს სიმწიფის ატესტატის მიღება მიულოცეს მასწავლებლებმა, მეგობრებმა, სტუმრებმა. სკოლის დირექტორმა ირინა ჟამკოჩიანმა მიულოცა კურსდამთავრებულე 104-ე სომხური საჯარო სკოლის 2014-2015 სასწავლო წლის 12 კურსდამთავრებულს 2015-2016 სასწავლო წელს ჩაანაცვლებს 25 პირველკლასელი, 13 მათგანი საქართველოს სომეხთა ეპარქიის „სურბ მოვსეს ხორენაცი“ საბავშვო ბაღის აღსაზრდელია. „ვანქის“ (მონასტრის) უძველეს სკოლაში ღონისძიება დასრულდა მშობლიური ენის, ეროვნულობის შენარჩუნების სურვილებითა და სიამაყის გრძნობით.
|
