2015 წლის 1 აპრილს, საქართველოს სომეხთა ეპარქიის „ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა „სურბ მოვსეს ხორენაცი“ საბავშვო ბაღის ღონისძიება, სახელწოდებით „გაზაფხული და დედის სიყვარული“. ზეიმს ესწრებოდნენ ეკლესიის სასულიერო პირები, „ჰაიარტუნ“ ცენტრის თანამშრომლები, მშობლები და სტუმრები.

ღონისძიებას ესწრებოდა ასევე საქართველოში სრ საგანგებო და სრულუფლებიანი ელჩის მეუღლე - ქალბატონი ელეონორა ვარდანიანი.

ღონისძიება გახსნა ცენტრის განათლების განყოფილების დირექტორმა, „სურბ მოვსეს ხორენაცი“ სკოლამდელი დაწესებულების ხელმძღვანელმა ევგენია მარკოსიანმა, მან დამსწრეებს მიულოცა დამდეგი აღდგომის ბრწყინვალე დღესასწაული, უსურვა საგაზაფხულო განწყობა და ბუნების გამოღვიძების სიხარული. მან ხაზი გაუსვა ქალთა დღესასწაულს და დარბაზში მყოფ ქალბატონებს მისალოცი სიტყვა უთხრა.

დარბაზი გაფორმებული იყო თემის შესაბამისად: თოვლის საფარის ქვემოდან ამოსული მწვანე ბალახი, თავამოყოფილი ლამაზი ჭრელი ყვავილები. ეს ყველაფერი წარმოდგენილი ლამაზი წარმოსახვით და გემოვნებით. სცენაზე, რომელიც გაზაფხულის მინდორს წააგავდა, იმღერეს და იცეკვეს ყვავილებად ქცეულმა პატარებმა. ჰარმონიულად შერჩეული მუსიკა ავსებდა ბავშვების წარმოდგენილ მშვენიერებას და დარბაზში მყოფთა გაკვირვებას და აღფრთოვანებას იწვევდა.

ბავშვებმა მხატვრული კითხვით, მხიარული სიმღერით, რაინდული ცეკვითა და ლამაზი მოძრაობებით მათი მილოცვა გადასცეს ძვირფას დედებსა და ბებიებს, ყველა ქალბატონს და გაზაფხულის მახარობლებად იქცნენ.

პრესისა და ინფორმაციის განყოფილების დირექტორმა სუსანა ხაჩატრიანმა პატარების გამოსვლებს უწოდა ცენტრში მიმდინერე საგანმანათლებლო საქმიანობის მტკიცება, ჭეშმარიტი მოქალაქის აღზრდის მტკიცე საფუძველი. საქართველოს სომეხთა ეპარქიის კულტურის განყოფილების დირექტორმა, „ჰაიარტუნ“ ცენტრის კოორდინატორმა ლევონ ჩიდილიანმა მაღალი შეფასება მისცა სკოლამდელი დაწესებულების ახალგაზრდა პედაგოგთა ძალისხმევას სომეხი ბავშვის სომხური სულისკვეთებით აღზრდის საქმეში, მადლიერების სიტყვით მიმართა მშობლებს, სომხური ენის შენარჩუნებისათვის და მოუწოდა ბავშვების სომხურ სკოლებში მიყვანისკენ.

ქალბატონმა ელეონორა ვარდანიანმა დაუფარავი გაკვირვებით და დიდი სიყვარულით გამოხატა მისი კმაყოფილება პატარების ლამაზ გამოსვლებზე და მადლიერების სიტყვით მიმართა მასწავლებლებს მათი ძალისხმევისთვის. ქალბატონმა ვარდანიანმა პატარებს დაურიგა სააღდგომო საჩუქრები.

ღონისძიება შეაჯამა საქართველოს სომეხთა ეპარქიის „სურბ გევორგ“ საკათედრო ტაძრის სულიერმა მოძღვარმა მღვდელმა ნარეკ ღუშჩიანმა, მან მაღალი შეფასება მისცა საბავშვო ბაღის თანამშრომლების მიდგომას და ერთგულებას მათი მისიისადმი. ისინი სომეხ ბავშვს ასწავლიან არა მხოლოდ წიგნიერებას, სიმღერას, ცეკვას, არამედ ასწავლიან და უვითარებენ ქცევის სწორ ნორმებს, მათ უნერგავენ სიყვარულს სომეხთა ეკლესიის, დედა სამშობლოსა და საქართველოსადმი.

ბოლოს ღონისძიებას შეუერთდნენ საქართველოს სომეხთა ეპარქიის წინამძღვარი მისი ყოვლადუსამღვდელოესობა ეპისკოპოსი ვაზგენ მირზახანიანი, პოეტი-მთარგმნელი გივი შაჰნაზარი.

გაზაფხულისადმი მიძღვნილმა ღონისძიებამ ყველა დამსწრეს ბუნების გამოღვიძების, გაზაფხულის მოსვლის შეგრძნება, დედის სიყვარული და მაღალი განწყობა მოუტანა.