ქრისტიანულ ეკლესიებში დიდი მარხვის პერიოდია. 11 მარტს მარხვა გაშუალედდა. მარხვის 24-ე დღე განზოგება ეწოდება. საეკლესიო დღესასწაულებთან ასოცირებული ხალხური ტრადიციების აღდგენას მორწმუნეების ცხოვრებაში მხიარული ფერები შეაქვს, ამიტომაც გასაგებია ის საზეიმო განწყობა, რომელიც სუფევდა თბილისის ავლაბრის „სურბ ეჯმიაწინ“ ეკლესიაში. სულიერ მოძღვარ მღვდელ სამველ თოროსიანის ხელმძღვანელობით, ეკლესიაში სათანადოდ იყვნენ მომზადებული დღესასწაულისათვის. ეკლესიის ჯვრის ნათლიის, იური ერემიანის ნაჩუქი ვერცხლის ლამაზი ჯვრები მოთავსდა ქველმოქმედების - ონიკ ნანიჯანიანის და საქართველოს სომეხ ქალთა „შუშანიკ“ კავშირის წევრების ლარისა და ამალია ჰარუთიუნიანების მიერ სპეციალურად ამ დღისთვის გამომცხვარ ქადაში.

მორწმუნეებით სავსე ეკლესიაში სასულიერო პირთა მონაწილეობით შესრულდა "სამშვიდობო" ღვთისმსახურება. შემდეგ საქართველოს სომეხთა ეპარქიის „ჰაიარტუნ“ ცენტრის „ტარონ“ ანსამბლის წევრები „მიჯინქის“ ტრადიციული ქადით გაუმასპინძლდნენ მორწმუნეებს.

განზოგების დღე ქადის ფესტივალით აღინიშნა სამცხ-ჯავახეთისა და წალკის საერთო ეპარქიალურ ვიკარიატში. მორწმუნეები ღვთისმსახურებაზე მოვიდნენ სპეციალურად ამ დღისთვის გამომცხვარი ქადით. უკვე ოთხი წელი ზედიზედ ფესტივალს ლამაზ ელფერს სძენს ქორეოგრაფიული ანსამბლი „ვაჩიანი“, ნასლეთ ქეიანის ხელმძღვანელობით.

განზოგება აღინიშნა ასევე ბათუმის „სურბ ფრკიჩ“ ეკლესიაში, რომელშიც მონაწილეობას იღებდნენ ბათუმის, ქობულეთის და ჩაქვის სომხური სათვისტომოს წევრები. მორწმუნეებს აქაც დაურიგდა სომხური ქადა.