2014 წლის 9 მაისს, საქართველოს სომეხთა ეპარქიასთან მოქმედი კულტურულ-საგანმანათლებლო და ახალგაზრდული ცენტრი „ჰაიარტუნ“ აწყობს კონცერტს, რომელიც ეძღვნება დიდ სამამულო ომში გამარჯვებასა და ქალაქ შუშის განთავისუფლებას. აღსანიშნავია, რომ დიდ სამამულო ომში დაიღუპა ასიათასობით ქართველი, სომეხი, აზერბაიჯანელი და სხვა ეროვნების წარმომადგენელი. ჩვენი ვალია პატივი მივაგოთ წინაპართა ხსოვნას.

ასეთი ღონისძიებები თბილისსა და საქართველოს სხვადასხვა რეგიონებში ტარდებოდა 8 წლის განმავლობაში. „ჰაიარტუნ“ ცენტრსა და Art Hall დარბაზის ადმინისტრაციის შეთანხმების თანახმად, კონცერტი უნდა ჩატარებულიყო აღნიშნულ დარბაზში, მაგრამ ღონისძიების ჩატარებამდე რამოდენიმე საათით ადრე, დარბაზის ადმინისტრაციის თქმით, საქართველოში აზერბაიჯანის საელჩოს ზეწოლის გამო, ისინი იძულებულები გახდნენ უარი განეცხადათ დარბაზის გამოყოფაზე.

ჯერ კიდევ გუშინ, საქართველოს აზერბაიჯანული სათვისტომო, მათ შორის საქართველოს პარლამენტის ეთნიკურად აზერბაიჯანელი წევრები, ითხოვდნენ კონცერტის გაუქმებას, იმუქრებოდნენ შედეგებით. ამდენად, მათი მხრიდან იყო მცდელობა საქართველოს სომხური სათვისტომოს კულტურული უფლებების დარღვევისა.

ჩვენ შეშფოთებულები ვართ იმით, რომ აზერბაიჯანი იჩენს მათი ინტერესების კარნახის კონტურებს, ცდილობს დაარღვიოს მეზობელი დემოკრატიული სახელმწიფოს - საქართველოს, მოქალაქეთა უფლებები. მოვუწოდებთ საქართველოს ხელისუფლებას, რათა ადექვატური შეფასება მისცეს აზერბაიჯანის ოფიციალურ პირთა მცდელობებს ჩაერიონ საქართველოს შიდა საქმეებში, რათა გარანტირებული იყოს საქართველოს მოქალაქეების უფლებების სრული სპექტრის განხორციელება, მიუხედავად მათი ეთნიკური წარმომავლობისა. ასევე აღკვეთოს აზერბაიჯანისა და მასთან ასოცირებულ პირთა მცდელობა საქართველოს მოქალაქეთა შორის ეროვნებათშორისი განხეთქილების გაღვივებისა.

დასასრულს, აღვნიშნავთ, რომ, მიუხედავად აზერბაიჯანის წარმომადგენელთა და საქართველოში მათი ინტერესების დამცველთა მცდელობებისა, კონცერტი, რომელიც ეძღვნება დიდ სამამულო ომში გამარჯვებასა და ქალაქ შუშის განთავისუფლებას, გაიმართება თბილისში 2014 წლის 9 მაისს.

ვთხოვთ საქართველოს ხელისუფლებას უზრუნველყოს აღნიშნული ღონისძიების მონაწილეთა და აუდიტორიის უსაფრთხოება.