| რუბენ ვოსკანიანი სიმღერით დაემშვიდობა თავის მაყურებელს. |
 |
 |
 |
|
მხოლოდ ერთი წელი გავიდა მას შემდეგ, რაც რუბენ ვოსკანიანი შემოვიდა სომეხთა ეპარქიის „ჰაიარტუნ“ ცენტრში და მოკლე დროში იგი აქტიურად იყო ჩართული ეპარქიისა და ცენტრის საქმიანობაში, იყო ყველა ინიციატივის აქტიური მონაწილე. სომხური ეკლესია და ცენტრი გახდა მისი საკუთარი სახლი და საყვარელი ადგილი. თანდაყოლილმა ხმამ, ხალხური და გუსანური სიმღერის სწორმა აღქმამ და ბრწყინვალე შესრულებამ მალე რუბენი გახადეს ცნობილი, საყვარელი და სასურველი სოლისტი. მისი შესრულებით „სომეხი დედები“, „ოჰ, წითელო ვარდან“ და სხვა სიმღერები თბილისელმა სომხურმა უდიტორიამ აღფრთოვანებით მიიღო. ამის დასტურია თბილი მიღება და მხურვალე ტაში, რომელიც მუდამ ახლავს რუბენის სიმღერას. და აი მოვიდა გამოსამშვიდობებე 23 ივნისს, საქართველოში სომეხთა ეპარქიის "ჰაიარტუნ“ ცენტრის გალუსტ გიულბენკიანის სახელობის დარბაზში გაიმართა რუბენ ვოსკანიანის გამოსამშვიდობებე დარბაზი სავსეიყო რუბენის ნაცნობებით, მისი სიმღერის გულშემატკივრებით, მეგობრებითა და ნათესავებით, რომლებიც მოსულები იყვნენ რუბენ ვოსკანიანის სიმღერების ცოცხალი შესრულებით ერთხელ კიდევ დასატკბობად. „მამაო ჩვენოს“ შემდეგ, კონცერტი გახსნა საქართველოში სომეხთა ეპარქიის "ჰაიარტუნ“ ცენტრის კოორდინატორმა ლევონ ჩიდილიანმა. მან მაღალი შეფასება მისცა ცენტრის ახალგაზრდული ჯგუფისა და ყველა ინდივიდუალური შემსრულებლის ინიციატივას - სიმღერით გამოემშვიდობებოდნენ საყვარელ მეგობარს. თავის კურთხევის სიტყვაში საქართველოში სომეხთა ეპარქიის წინამძღვარმა ეპისკოპოსმა ვაზგენ მირზახანიანმა მაღალი შეფასება მისცა განსაკუთრებით რუბენის გუსანური სიმღერების ბრწყინვალე შესრულებას, რაც სიმღერის სულ სხვა ტიპია, მას უწოდა კარგი ადამიანი, რომელიც ყველას უყვარს, წინამძღვარმა გამოთქვა რწმენა, რომ რუბენი იქნება საქართველოს სომეხთა ელჩი ოკეანის მიღმა. ეპარქიის წინამძღვარმა მას აჩუქა თბილისელი სომეხი მხატვრის თენგიზ მიკოიანცის თბილისის გამოსახულებით ტილო, რომელიც მას ყოველთვის შეახსენებს თბილისელ სომხებს. კონცერტის წამყვანის ლიზა თოროსიანის ლამაზ სიტყვას ამშვენებდა ინდივიდუალური შემსრულებლების სიმღერა და ცეკვა. განსაკუთრებით ამაღელვებელი იყო რუბენ ვოსკანიანის შესრულებები. რუბენი სიმღერით გამოემშვიდობა თავის აუდიტორიას, თან გაიყოლა მათი სიყვარული და კეთილი სურვილები. |
