1967 წლიდან დაწყებული ივლისის თვის ბოლოსწინა დასვენების დღე ეძღვნება ჯავახეთის სიამაყეს, სომხური კლასიკური ლიტერატურის ნიჭიერ წარმომადგენელს - ლირიკოს ვაჰან ტერიანსა და მის შექმნილ განუმეორებელ პოეზიას.

და აი ტრადიციისამებრ 21 ივლისს ჯავახეთის ნინოწმინდის რაიონის სოფელ განძაში კვლავ ადიდეს ნიჭიერი პოეტი და მისი პოეზიის უკდავება.

საქართველოში სომეხთა სამოციქულო მართლმადიდებელი წმინდა ეკლესიის საქართველოს ეპარქიის ინიციატივით მიმდინარე - 45-ე ტერიანულ დღეს ესწრებოდა თბილისელი ინტელიგენციის ჯგუფი - მწერალ-მთარგმნელის გივი შახნაზარის, საზოგაო მოღვაწეების სამველ აღეკიანის, რაფიკ აღაჯანიანის, საქართველოს სომეხ მხატვართა კავშირის თავმჯდომარის მერუჟან შაჰუმიანის, საქართველოს სომეხი ინტელიგენციის კავშირის თავმჯდომარის რუბენ თოროსიანის, საქართველოს სომეხთა ეპარქიის   წარმომადგენლობის, "ჰაიარტუნ" კულტურის ცენტრის თანამშრომლების, თბილისის სომეხი ინტელიგენციის და სხვათა შემადგენლობით.

დილიდან ხალხმრავლობა იყო ნინოწმინდის რაიონის სოფელ განძაში. ჩამოდიოდნენ სტუმრები თბილისიდან, საქართველოს სხვადასხვა რეგიონიდან, სომხეთის რესპუბლიკის რეგიონებიდან და დედაქალაქ ერევნიდან.

განძის ეკლესიაში წმინდა წირვა-ლოცვაზე მონაწილეობის შემდგომ სტუმრებმა ეწვივნენ ვაჰან ტერიანის სახლ-მუზეუმს, შემდეგ კი, გაშლილ მინდორზე გაიმართა დღესასწაული, რადგან ვერცერთი დარბაზი ვერ დაიტევდა ტერიანული პოეზიის თაყვანისმცემლებს, დიდი პოეტის ხსოვნისადმი პატივის მიგების მსურველებს.  

ტერიანული დღის დღესასწაულს ესწრებოდნენ სამცხე ჯავახეთის გუბერნატორი ვანო წიკლაური, სომხეთის რესპუბლიკის არმავირის რეგიონის გუბერნატორი აშოტ ღაჰრამანიანი, საქართველოში სომეხთა სამოციქულო მართლმადიდებელი წმინდა ეკლესიის საქართველოს ეპარქიის წინამძღვარი ეპისკოპოსი ვაზგენ მირზახანიანი, მამა ბაბკენ სალბიანი, სომხეთის მწერალთა კავშირის თავმჯდომარე ლევონ ანანიანი, საქართველოს მწერალთა კავშირის მდივანი დავით შემოქმედელი, საქართველოს პარლამენტის, სომხეთის რესპუბლიკის ეროვნული კრების დეპუტატები, თანამდებობის პირები, ახალქალაქისა და ნინოწმინდის ადგილობრივი ხელისუფლების, ინტელიგენციის და ხელოვნების სხვადასხვა დარგის წარმომადგენლები, სტუმრები სომხეთისა და საქართველოს რეგიონებიდან, თბილისიდან და ერევნიდან.

ღონისძიება გახსნა სოფელ განძის ვაჰან ტერიანის სახელობის სკოლის დირექტორმა სარგის დურგარიანმა, მან სიამაყით აღნიშნა, რომ 1967 წლიდან დაწყებული განძაში ტერიანის დღე სიმბოლური თაყვანისცემაა ამ მიწა-წყლის შვილის ვაჰან ტერიანისა და მისი შექმნილი პოეზიისა.   სომხეთის რესპუბლიკის მწერალთა კავშირის თავმჯდომარემ ლევონ ანანიანმა ყურადღება გაამახვილა ტერიანის პოეტურ სამყაროზე,  თავისი მადლიერება გამოუხატა საქართველოს მთავრობას 1981 წლიდან ტერიანული პოეზიის დღის სახელმწიფო დღესასწაულებში ჩართვისათვის, და აღნიშნა, რომ ურიგო არ იქნებოდა, რომ სომხეთის   სახელმწიფო სტრუქტურებს   განეხილათ  ასეთი მიდგომის საჭიროება და ტერიანული დღე, ისევე როგორც საიათ-ნოვას „ვარდატონი“   აღნიშნულიყო სომხეთშიც.  

"კარინ", "არცახის პატარები“ და "განძის საგანძური" ანსამბლების, ასევე ინდივიდუალური შემსრულებლებით და ასევე წამყვანის , სომხეთის სახალხო არტისტის აზატ გასპარიანის მშვენიერი სიტყვით ტერიანული დღე ჭეშმარიტად იქცა სახ