2018 წლის 13 ოქტომბერს თბილისში საზეიმოდ აღინიშნა მთარგმნელთა დღე. ავლაბრის „სურბ  ეჯმიაწინ“ ეკლესიაში წირვა-ლოცვა აღავლინა საქართველოს სომეხთა ეპარქიის  წინამძღვარმა ეპისკოპოსმა ვაზგენ მირზახანიანმა. წირვის დროს წინამძღვარმა ეპისკოპოსმა იქადაგა დღის მნიშვნელობის შესახებ და მთარგმნელთა დღე დაასახელა როგორც სომეხთა ერის განათლების, მეცნიერებისა და რწმენის დღესასწაული.
ეკლესიაში წირვა-ლოცვის ჩატარების შემდეგ თბილისის სომეხ მწერალთა და საზოგადო მოღვაწეთა ხოჯივანქის პანთეონში მიცვალებულების სხვონისადმი წირვა-ლოცვაც ჩატარდა. მთარგმენლობითი საქმინაობის მნიშვნელობის შესახებ ისაუბრეს საქართველოში სომხეთის რესპუბლიკის  საელჩოს წარმომადგენელმა ართურ სარგსიანმა, პედაგოგმა როზა ზოჰრაბიანმა. დღესასწაული გაგრძელდა „ოვანეს თუმანიანის სახლი“ კულტურულ-სამეცინერო  ცენტრში, სადაც დღესთან დაკავშირებით წარადგინეს ბოლო ორი ათწლეულის თბილისელი სომხების კლასიკური და თანამედროვე სომხური, ქართული და რუსული მთარგმნელობითი ლიტერატურის ნიმუშები, ლექსიკონები, სასაუბროები.
კულტურულ-სამეცინერო ცენტრის ხელმძღვანელმა გისანე ჰოვსეფიანმა წარადგინა გამოფენილი წიგნები და ისაუბრა ღონისძიების მიზნის შესახებ. მიზანი ისაა, რომ ბოლო დროის მხატვრული, მთარგნელობითი ლიტერატურის ერთი კრებულით წარდგენის გარდა, უპირველესყოვლისა საჭიროა სომხეთისა და საქართველოს შესაბამისი უწყებებიდან შეფასებისა და კრიტიკის მიღება. „ფენიქს ფრინველისავით გადარჩენილმა თბილისელმა სომხებმა სურვილი გამოთქმეს შექმნან თავიანთი მთარგმნელობითი მდიდარი ლიტარატურა, იმის იმედით, რომ უფრო აღიარებული და პოპულარული იქნება, მაგრამ ეს ყველაფერი შეფასებისა და კრიტიკის არ არსებობით ვერ იქნება“ - თავის სიტყვაში თქვა გისანე ჰოვსეფიანმა.
თუმანიანის სტუმარმოყვარე სახლში წარდგენილი იყო გივი შაჰნაზარის, ზეზვა მედულაშვილის, ვიკტორ ჰოვსეფიანის, ანაჰიტ ბოსტანჯიანის, მაყვალა გონაშვილის, გაგიკ დავთიანის, მარინა მოსესოვა -კირაკოსიანისა და სხვების საიათ-ნოვას, ტერენტი გრანელის, თანამედროვე მწერლებიდან ედვარდ მილიტონიანის, ავიკ დერენცის, ოქრო ოქროიანის, ვაჰაგნ დავთიანის, სონა ვანის, აღასი გევორგიანის ნაწარმოებების ახალი თარგმანები, რამაზ გორგაძესა და ზოია მხითარიანის ავტორობით სომხურ-ქართული, ქართულ-სომხური ლექსიკონები, ემა ახტიანის სომხურ-ქართული სასაუბრო, აგრეთვე, საქართველოს სომეხ მხატვართა კავშირის თავჯდომარე ირენა ოჰანჯანოვას სამ ენაზე გამოცემულ „მარგინალია“ და „თბილისი - ახალი ბაბელონი“ ალბომები, რომლებიც გამოქვეყნდა თბილისის „სურბ გევორგ“ ეკლესიის სარეკონსტრუქციო სამუშაოების ფონდის მიერ.
მთარგმნელობითი ხელოვნების შესახებ ისაუბრეს არმენოლოგებმა ნათია ჩანტლაძემ და რამაზ გორგაძემ, პოეტ-თარჯიმნებმა გივი შაჰნაზარმა, მარინა მოსესოვა-კირაკოსიანმა, არტემ გრიგორენცმა, მიხაელ ანანოვმა, გარი ღალამქაროვმა და სხვებმა. კლასიკურ და თანამედროვე ლიტერატურიდან ნაწყვეტები წარადგინეს ივანე ჯავახიშვილის სახელობის თბილისის სახელმწიფო უნივერსიტეტის სტუდენტმა რაფაელ გასპაროვმა, თბილისის 103-ე და 104-ე სკოლების მოსწავლეებმა, რომლებსაც დღესასწაულისათვის მოამზადეს სომხური ენისა და ლიტერატურის მასწავლებელმა გაიანე მხითარიანმა და ბიბლიოთეკარმა ჰასმიკ ანტონიანმა. მუსიკალური ლამაზი ნომრებით წარსდგა მომღერალმა, პიანისტმა ხათუნა პოღოსოვამ.
ღონისძიებას დაესწრნენ საქართველოს მწერალთა კავშირის თანათავჯდომარე მაყვალა გონაშვილმა, საქართველოში სომხეთის რესპუბლიკის  საელჩოს წარმომადგენლებმა, თბილისის სახელმწიფო უნივერსიტეტის აღმოსავლეთმცოდნეობის ფაკულტეტის თანამშრომლებმა, სომხური და ქართული ინტელიგენციის წარმომადგენლებმა, სტუდენტებმა და მოსწავლეებმა.
13 ოქტომბერი არის, აგრეთვე, ლევონ ანანიანის დაბადების დღე. ოვანეს თუმანიანის თბილისის ისტორიულ სახლში კიდევ ერთხელ შეფასდა დიდი მეცნიერის ღვაწლი ლიტერატურულ და საზოგადოებრივ ცხოვრებაში.
ღონისძიების დასასრულს თავისი სიტყვა გამოთქვა წინამძღვარმა ეპისკოპოსმა ვაზგენ მირზახანიანმა, რომელმაც დიდი მნიშვნელობა მიანიჭა ამ ღონისძიებას, რათა ამით სომეხთა ეპარქია პატივი მიაგეს მთარგმნელთა მამების ხსოვნასა და მათი უდიდეს საქმიანობას.