2018 წლის  24  თებერვალს, საქართველოს სომეხთა ეპარქიის    ბათუმის  ალექსანდრე მანთაშიანცის სახელობის  კულტურულ-საგანმანათლებლო და ახალგაზრდულ    ცენტრში მოქმედი ესთეტიკური აღზრდის წრის აღსაზრდელებმა (ხელმძღვანელი: მარიეტა აპეტიანი) მოამზადეს მშობლიური ენის საერთაშორისო დღისადმი მიძღვნილი  ლამაზი ღონისძიება. ცენტრის აღსაზრდელები მშობლიურ ენაზე კითხულობდნენ სომხური ენისადმი მიძღვნილ სომეხ დიდებულთა პოეტურ ნაწარმოებებს.   ისინი არა მხოლოდ გამართულად და ლამაზად მეტყველებდნენ სომხურად, არამედ მღეროდნენ ლამაზ სიმღერებს და  ცეკვავდნენ, ასრულებდნენ იმას,    რაც ისწავლეს „აღბიურ“ გუნდში   (ხელმძღვანელი: რუზანა ოვანისიანი) და „ჰეღნარ“ ცეკვის ანსამბლში (ხელმძღვანელი:  მარიეტა პოღოსიანი).

იმ დღეს, ცენტრი სათანადოდ იყო მორთული. დამსწრე  სტუმრებმა, რომელთა შორის იყვნენ ბავშვების მშობლები და ახლობლები, ცენტრის ხელმძღვანელობა,  პედაგოგები, ასევე ბათუმის სომხური საზოგადოების წარმომადგენლები,   შეძლეს  ესთეტიკური და ემოციური სიამოვნება მიეღოთ არა მხოლოდ ბავშვების წარმოდგენილი ღონისძიებით, არამედ გამოფენითაც, რომელიც   ორგანიზებული იყო იმავე, ესთეტიკური წრის ბავშვების მიერ,   მათი შესრულებული ნამუშევრებით.  

ღონისძიებას თავისი დასწრებით  პატივი დასდო ბათუმის „სურბ ფრკიჩ“ ეკლესიის სულიერმა მოძღვარმა, ღირსმა  მღვდელმა არარატ გუმბალიანმა.  

ცენტრის დირექტორმა სონა ჰოვანისიანმა დააფასა ღონისძიება, რომელიც იქცა სომხურს მოწყვეტილ ბავშვებში მშობლიური ენისადმი სიყვარულის გამოხატულებად, ბავშვებს მოუწოდა, რომ არ შეამცირონ მშობლიური ენის აუცილებლად შესწავლის და ფლობის ინტერესი და მზაობა. ესთეტიკური წრის აღსაზრდელების ნამუშევრების გამოფენა შეაფასა, როგორც მშობლიური ენის, სამშობლოსადმი სიყვარულის გრძნობის რეპროდუქცია საბავშვო ლამაზი  წარმოსახვით.

ღონისძიება შეაჯამა და ესთეტიკური წრის აღსაზრდელების სამუშაო დააფასა ღირსმა მღვდელმა არარატ გუმბალიანმა, ვინც ხაზი გაუსვა სამშობლოდან შორს ალექსანდრე მანთაშიანცის სახელობის ცენტრის მთელ სამუშაოს, სომხური ენისა და ეროვნული თვითმყოფადობის შენარჩუნების, ბათუმელი სომხების თავიანთ ფესვებთან დაბრუნების, მშობლიური ენის სწავლების და სიყვარულის საქმეში.     

ღონისძიების დასასრულს მადლობის სიტყვით გამოვიდნენ   ესთეტიკური წრის ხელმძღვანელი და    მშობლები.