ჰარისის ფესტივალი დღითიდღე ფართოვდება. სოფლებისა და დასახლებების მოსახლეობა დიდი ენთუზიაზმით ერთვება ჰარისის კვირეულში,  ფესტივალს მართლაც ეროვნულ დღესასწაულად აქცევენ.  

6 თებერვალს, სომხური ეროვნული კერძის, ჰარისის, ფესტივალში, რომელიც საქართველოს  სომეხ ქალთა "შუშანიკ" კავშირის ინიციატივით უკვე რამდენჯერმე გაიმართა თბილისში, ჩაერთო ნინოწმინდის რაიონიც.

ჰარისის ფესტივალები ჩატარდა ჯიგრაშენსა და მამზარაში.  ეკლესიის ჯვრის ნათლიები მნაცაკან   კარაპეტიანი და გარეგინ მანუკიანი გახდნენ   პირველები, რომლებმაც მშვენიერ  ეროვნულ     დღესასწაულს ჩაუყარეს საფუძველი,  თავიანთ ოჯახებში ჰარისა მოამზადეს და გაუმასპინძლდნენ   დღესასწაულის   მონაწილეებს.

დღესასწაულის დროს მღვდელმა  არმაშ პოღოსიანმა აკურთხა დამსწრეები და ჰარისა, ისაუბრა    რიტუალის შესახებ, ნათლიებმა კი დაარიგეს კერძი.   

ღონისძიება თავიანთი გამოსვლით დაამშვენეს  "ნაირი" ცეკვის ანსამბლის (ქორმაისტერი: ლუსინე მზიკიანი) წევრებმა, ორი სოფლის ახალგაზრდებმა.

ბარეკენდანი სომეხთა   სამოციქულო მართლმადიდებელი წმიდა ეკლესიის მოძრავ დღესასწაულთაგანია, 11 თებერვალს ძირითადი ბარეკენდანი გადაინაცვლებს „რაფაელ ჯავახ“ საგანმანათლებლო და კულტურულ ცენტრში, სადაც გაიმართება  შემაჯამებელი ჰარისის ფესტივალი.