სომხეთიდან ჩამოსული 11 სირიელი დევნილი ქალბატონი გაეროს დევნილთა საკითხებით უმაღლესი კომისრის სომხეთის რეგიონალური ოფისის საზოგადოებასთან ურთიერთობის დეპარტამენტის ხელმძღვანელის, ანაჰიტ ჰაირაპეტიანის, ხელმძღვანელობით, თბილისში მონაწილეობდა სხვადასხვა ქვეყნებიდან გადასახლებულ ქალბატონთა „დიდი სიყვარული ლტოლვილ ქალბატონთაგან“ სახელწოდებით თვითნაკეთი ნამუშევრების გამოფენა-გაყიდვაში.

2017 წლის 7 დეკემბერს, საქართველოს სომეხთა ეპარქიის „ჰაიარტუნ“ ცენტრმა უმასპინძლა სირიელ ქალბატონებს, საქართველოს დევნილ ქალთა მხარდაჭერის ასოციაციის თავმჯდომარის, მაკა ჩიჩუას, ხელმძღვანელობით.

სტუმრებს დახვდა „ჰაიარტუნ“ ცენტრის პერსონალი. საქართველოს სომეხ ქალთა „შუშანიკ“ კავშირის თავმჯდომარე სუსანა ხაჩატრიანი მიესალმა დამსწრეებს, მოკლედ გააცნო საქართველოში სომეხ ქალბატონთა გამაერთიანებელ ზემოაღნიშნული ორგანიზაციის საქმიანობის მიმართულებები და მიზნები.

საქართველოს სომეხთა ეპარქიის კულტურის განყოფილების დირექტორმა, „ჰაიარტუნ“ ცენტრის კოორდინატორმა ლევონ ჩიდილიანმა მათ წარუდგინა საქართველოს სომეხთა ეპარქიის ეგიდით მოქმედი „ჰაიარტუნ“ ცენტრი, მისი შექმნის ისტორია და საქმიანობის მიმართულებები, ისაუბრა შემოქმედებით ჯგუფებზე, ასევე გამოფენებზე, რომელთაგან ბოლო იყო არცახის ახალგაზრდა მხატვრების ნამუშევართა გამოფენა.

დირექტორმა ჩიდილიანმა სტუმრებს ასევე უამბო იმ შეხვედრების, პრეზენტაციების, სხვადასხვა დღესასწაულებისადმი მიძღვნილ ღონისძიებებზე, საქართველოსა და დედა სამშობლოს მაღალი თანამდებობის პირების ვიზიტებზე, რომლებიც ხშირად ეწყობა ცენტრში.

განათლების განყოფილების დირექტორის, ევგენია მარკოსიანის თანხლებით სტუმრებმა დაათვალიერეს „ჰაიარტუნ“ ცენტრი,აღფრთოვანდნენ „სურბ მოვსეს ხორენაცი“ საბავშვო ბაღის პატარა აღსაზრდელებით, და შეიტყვეს იმ ყურადღების შესახებ, რომელიც ეთმობა ცენტრში მიმდინარე სომხურ აღზრდა-განათლებას, სომხეთისა და სომეხთა ეკლესიის ისტორიის შესწავლას.

სტუმრებს დიდი სიყვარულით თავიანთი საშემსრულებლო ხელოვნება წარუდგინა გუნდმა „ნერსეს შნორჰალი“, ქორმაისტერ მარი აბულიანის და პიანისტ კარენ მირზოიანის ხელმძღვანელობით. დუდუკისა და დოლის წრეების აღსაზრდელებმა (მასწავლებლები: ივანე მკრტჩიანი, რობერტ კაშავანიძე) წარმოაჩინეს ძველი თბილისის სომხური კოლორიტი, ცეკვის გუნდის - „ტარიონის“, ეროვნული ცეკვები, სურენ აბრამიანის ხელმძღვანელობით, გახდა სირიელი სომეხი ქალბატონები ენთუზიაზმის პიკი.

ამაღელვებელი იყო ერევნის „სურბ ზორავორ“ ეკლესიის „შოღაკათ“ გუნდის ხელმძღვანელის, ლენა იაკობიანის მიერ სიმღერის „ერევანი“ შესრულება, რომელსაც შეუერთდა გუნდი „ნერსეს შნორჰალი“ და მთელი დარბაზი.

გაეროს ლტოლვილთა საკითხებით უმაღლესი კომისრის სომხეთის რეგიონალური ოფისის საზოგადოებასთან ურთიერთობის დეპარტამენტის ხელმძღვანელს, ანაჰიტ ჰაირაპეტიანს ჰქონდა წინადადება გააგრძელონ თანამშრომლობა არა მხოლოდ საქართველოს დევნილ ქალთა ასოციაციასთან, არამედ სომეხ ქალთა „შუშანიკ“ კავშირსა და „ჰაიარტუნ“ ცენტრთან და ამ თანამშრომლობაში ჩართონ სომხეთში დამკვიდრებული სირიელი სომეხი ქალბატონების გამაერთიანებელი სხვადასხვა ორგანიზაციები.

საქართველოს დევნილ ქალთა ასოციაციის თავმჯდომარემ მაკა ჩიჩუამ და ქართველმა მეგობრებმა თავიანთი მადლიერება გამოხატეს სტუმრების მიმართ გამოჩენილი დიდი ყურადღების და სტუმართმოყვარეობისთვის.

სტუმრებმა, დიაკვან გევორგ ანტონიათან ერთად, სანთლები დაანთეს „სურბ ეჯმიაწინ“ ეკლესიაში და შეასრულეს „სურბ-სურბ“. ეპარქიის სამართლებრივ საკითხთა განყოფილების დირექტორის, მიქაელ ავაგიანის, წინადადებით და თანხლებით სტუმრები ეწვივნენ სომეხ მწერალთა და საზოგადო მოღვაწეთა ხოჯივანქის პანთეონს და პატივი მიაგეს სომეხი დიდებულების ხსოვნას.