 |
 |
 |
წმინდა ტრდატ მეფე, წმინდა დედოფალი აშხენი და მეფის ასული წმინდა ხოსროვიდუხტი
ტრდატი ხოსროვ პირველის ვაჟია, არშაკუნიანთა გვარიდან. აღზრდა-განათლება მიიღო რომში, შემდეგ იმპერატორ დიოკლეტიანეს ძალისხმევით სომხეთის ტახტზე ავიდა. დაქორწინდა ალანთა მეფის ასულ აშხენზე.
ტრდატის სახელს უკავშირდება 301 წელს სომხეთში ქრისტიანობის სახელმწიფო რელიგიად აღიარება. ტრდატ მეფე, დედოფალი აშხენი და მეფის ასული ხოსროვიდუხტი დიდად დაეხმარნენ გრიგოლ განმანათლებელს სომხეთში ქრისტიანობის გავრცელებისა და განმტკიცების საქმეში. მათ სამივემ მონაწილეობა მიიღეს მთავარ საკათედრო „სურბ ეჯმიწინის“ მშენებლობაში. მეფე ტრდატი მოხუცებულობისას განმარტოვდა და სეპუჰის მთაზე განმანათლებლის სენაკში ცხოვრობდა, შემდეგ მოიწამლა და გარდაიცვალა 330 წელს, სავარაუდოდ, ემსხვერპლა ანტიქრისტიანულად განწყობილ მთავართა შურისძიებას. წმინდა ტრდატის ნეშტი განისვენებს თორდანში - განმანათლებლის სამარხში. განმარტოებული ცხოვრებით გარნის ციხეში თავიანთი სიცოცხლე ღმერთს შესწირეს ასევე დედოფლმა აშხენმა და ხოსროვიდუხტმა. აღნიშნის თარიღი14.06.2008 |