 |
 |
 |
წმინდა წინასწარმეტყველების ეზეკიელისა და ზაქარიას - იოანე ნათლისმცემლის ხსენების დღე
წინასწარმეტყველება ძველი აღთქმის მნიშვნელოვანი მოვლენაა. წინასწარმეტყველი არის პირი, რომელსაც მჭიდრო ურთიერთობა ჰქონდა ღმერთთან, ბიბლიური სიტყვით "ღმერთთან ისაუბრა“. უფალი ხშირად მიმართავდა ისრაელთ განსაკუთრებული მოწოდების ადამიანთა - წინასწარმეტყველთა პირით. ისინი მხოლოდ მომავლის მაცნენი არ იყვნენ. ღმერთი დროდადრო აგზავნიდა თავის რჩეულებს ებრაელთა შორის, რათა მათ ღვთის გამოცხადებით ეუწყებინათ ხალხისათვის მისი ნება, გაეფრთხილებინათ, აეცილებინათ ცოდვისა და კერპთაყვანისცემისაგან და დაემოწმებინათ ღვთის დიადი საქმეები წარსულსა და მომავალში. წინასწარმეტყველნი ხშირად მაშინ გამოდიოდნენ, როდესაც ხალხი, მეფენი, მღვდლები ცდებოდნენ და უფლის გზიდან გადაუხვევდნენ ხოლმე, როდესაც ებრაელთა ორივე სამეფოს ემუქრებოდა ომები, შიმშილი, თუ სხვა უბედურებანი. ისინი წინასწარმეტყველებდნენ მესიის მოსვლას, მის სიკვდილს ისრაელისა და მთელი კაცობრიობის გადასარჩენად, მის მკვდრეთით აღდგომას; ლაპარაკობდნენ ნათელი მომავლის დღეებზე, როდესაც მესია მეორედ მოვა და იმეფებს. ზოგიერთი მათგანი წინასწარმეტყველურ წიგნებსაც წერდა. ბიბლია 17 ასეთ წიგნს შეიცავს. ისინი თექვსმეტმა წინასწარმეტყველმა დაწერა
აღნიშნის თარიღი02.09.2008 |