25 მაისს საქართველოში სომეხთა ეპარქიის “ჰაიარტუნ” ცენტრში გაიმართა სომეხ წმიდანთა და წმიდანის ყოფით ნაცხოვრთა - ჰრიფსიმეანთ და გაიანეანთ წმინდა ქალწულთა და წმინდა შუშანიკის ხსოვნისადმი მიძღვნილი ღონისძიება, რომლის ინიციატორი იყო საქართველოს სომეხ ქალთა კავშირი “შუშანიკ”, საქართველოში სომეხთა ეპარქიის “ჰაიარტუნ” კულტურის ცენტრის მხარდაჭერით.

17 მაისს საქართველოში სომეხთა ეპარქიის "ჰაიარტუნ“ საგანმანათლებლო-კულტურულ ცენტრში შედგა დუდუკის კლასის საზეიმო გახსნა. კლასის პრეზენტაციას ესწრებოდნენ მოსწავლეები, მშობლები, ეპარქიის სულიერი მსახურნი, "ჰაიარტუნ“ საგანმანათლებლო-კულტურული ცენტრის პერსონალი.

საქართველოში სომეხთა ეპარქიის "ჰაიარტუნ“ საგანმანათლებლო-კულტურული ცენტრის ინიციატივით, 14 მაისს შედგა ახალადჩამოყალიბებული ვოკალურ-ინსტრუმენტალური ანსამბლის პრეზენტაცია. ქართული „ნაპერწკალი“, "იმედი", "გაზაფხულის" და მრავალი სხვა მსგავსი ანსამბლის გამოცდილმა ხელმძღვანელმა ვლადიმირ ასატუროვმა განიზრახა, „ჰაიარტუნ“ ცენტრის ეგიდით, ვოკალურ -ინსტრუმენტული ანსამბლის ჩამოყალიბება.

მაისის სამი დრესასწაულის კულმინაცია იყო 10 მაისს თბილისში "Arthal" საკონცერტო დარბაზში გამართული კონცერტი, რომელიც სომხეთის კულტურის სამინისტროს ხელშეწყობით ორგანიზებული იყო საქართველოს სომეხთა ეპარქიის „ჰაიარტუნ“ კულტურის ცენტრის მიერ. კონცერტს ესწრებოდნენ საქართველოში სომხეთის რესპუბლიკის საგანგებო და სრულუფლებიანი ელჩის მოადგილე ვაჰაგნ აფიანი, ელჩის მრჩეველი ლევონ თორგომიანი,