2016 թվականի դեկտեմբերի 7-ին, Վիրահայոց թեմի Թբիլիսիի Սուրբ Էջմիածին եկեղեցում կատարվեց հոգեհանգստյան պաշտոն՝ 1988 թվականին Հյուսիսային Հայաստանում տեղի ունեցած աղետալի երկրաշարժի զոհերի հիշատակին:

2016 թվականի դեկտեմբերի 6-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Վրաց Ուղղափառ Եկեղեցու Ախալքալաքի և Կումբուրդոյի միտրոպոլիտ Նիկոլոզ Փաչուաշվիլիին` ուղեկցությամբ Սամցխե-Ջավախքի և Ծալկայի ընդհանուր առաջնորդական փոխանորդ Հոգեշնորհ Տ. Բաբկեն վարդապետ Սալբիյանի:

ՀՀ Սփյուռքի նախարարությունը, հետևելով վերջին տարիներին ձևավորված ավանդությանը, կրկին իր օգնությունը տրամադրեց վիրահայոց համայնքներին, այդ թվում Բաթումի Ալեքսանդր Մանթաշովի անվան կրթության, մշակութային և երիտասարդության կենտրոնին: Նախարարության կողմից կենտրոնին հատկացվեցին տեսա-լսողական սարքավորում, բարձրախոսներ, համակարգիչ, տպիչ և տեխնիկական այլ միջոցներ:

2016 թվականի նոյեմբերի 29-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում կայացավ թեմի պաշտոնեության և հոգևոր դասի ընդհանուր ժողովը: Այն նվիրված էր թեմի առաջնորդ Գերաշնորհ Տեր Վազգեն եպիսկոպոս Միրզախանյանի՝ Գերագույն հոգևոր խորհրդի աշնանային ժողովի շրջանակներում Ամերիկայի Միացյալ Նահանգներ կատարած ուղևորության տպավորություններին և սոցիալական ցանցի «Հայարտուն» facebook-յան էջի օգտատերերի 10 հազար Like-երի սահմանի հատմանը: