2017 թվականի փետրվարի 24-ին Վիրահայոց թեմի «Հայարտուն» կենտրոնի Գալուստ Գյուլբենկյան սրահում բացվեց Վրացական Հանրապետության վաստակավոր նկարիչ, Խորհրդային Միության նկարիչների միության անդամ Լև Բայախչևի աշխատանքների անհատական ցուցահանդեսը: Այն նախաձեռնել էին Վրաստանի հայ նկարիչների միությունը և «Հայարտուն» կենտրոնը:

Թբիլիսիի Հավլաբար թաղամասում գտնվող Շամքորեցոց Սուրբ Աստվածածին եկեղեցու հարակից տարածքում ընթացող շինարարության հարցով Վիրահայոց թեմը դեռևս անցյալ տարվա դեկտեմբերին, շինարարության մեկնարկի հետևանքով առաջացած վտանգից եկեղեցու փլատակները պահպանելու և վնասազերծելու հարցով նամակներով դիմել էր Թբիլիսիի քաղաքապետարանին և մշակութային ժառանգության պահպանության ազգային գործակալությանը: Նամակները նույն հասցեատերերին և ավելացրած Վրաստանի կրոնի հարցերով պետական գործակալությանը հղվեցին նաև հունվար ամսին: Ձեր ուշադրությանն ենք ներկայացնում Վիրահայոց թեմի նամակներին Վրաստանի մշակութային ժառանգության պահպանության ազգային գործակալության պատասխանները:

ՀՀ վարչապետ Կարեն Կարապետյանը, Վրաստան կատարած պաշտոնական այցի շրջանակներում, 2017 թվականի փետրվարի 24-ին, պատվիրակության անդամների հետ միասին այցելեց Թբիլիսիի հայոց եկեղեցիներ:

2017 թվականի փետրվարի 22-ին, Վարդանանց զորավարների և 1036 զինակիցների տոնի նախօրեին, Թբիլիսիի Սուրբ Գևորգ առաջնորդանիստ եկեղեցում տեղի ունեցավ գրական միջոցառում՝ նվիրված Սրբոց Վարդանանց տոնին: Միջոցառումը ներկայացրեցին մայրաքաղաքի թիվ 103 վրաց-հայկական դպրոցի սաները, հայոց լեզվի և գրականության ուսուցչուհի Գայանե Մխիթարյանի նախաձեռնությամբ: