| Թիֆլիսահայ գեղանկարիչների եռալեզու ալբոմի շնորհանդես Վրաստանի մշակույթի նախարարությունում |
 |
 |
 |
|
Վրաստանի մշակույթի և հուշարձանների պահպանության նախարարության դահլիճում, 2015 թվականի մարտի 6-ին, կայացավ «Թիֆ(Թբի)լիս-ի – Նոր Բաբելոն» ալբոմի շնորհանդեսը, որին ներկա էին հայ, վրացի և այլ ազգի մտավորականներ, գրողներ, արվեստասեր հասարակայնության ներկայացուցիչներ: Միջոցառումն իրենց ներկայությամբ պատվել էին Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը, աշխատանքային այցով Թբիլիսիում գտնվող ՀՀ Արդարադատության նախարար պարոն Հովհաննես Մանուկյանը, Վրաստանում ՀՀ դեսպանության առաջին խորհրդական Արտակ Կալաչյանը և ուրիշներ: 20-րդ դարի երկրորդ կեսի թբիլիսահայ գեղանկարչության հինգ տաղանդավոր վարպետների անունները և նրանց աշխատանքները մեկ ժողովածուով հրապարակելու նախագիծը իրականացվել է Վրաստանի մշակույթի և հուշարձանների պահպանության նախարարության, ՀՀ մշակույթի նախարարության, Վրաստանում ՀՀ դեսպանության և Վիրահայոց թեմի «Հայարտուն» կրթա-մշակութային կենտրոնի աջակցությամբ՝ ՀՀ Ազգային ժողովի պատգամավոր պարոն Աշոտ Արսենյանի հովանու ներքո: Ողջունելով ներկաներին, Վրաստանի մշակույթի փոխնախարար Մանանա Բերիկաշվիլին անթաքույց հպարտությամբ արժևորեց իրենց ստեղծագործական ուղին հարթած և արվեստի պատմության մեջ հաստատված հայ վարպետներին, որոնց ներկապնակի գույները ստեղծվել են այս բազմազգ քաղաքի անկրկնելի հարուստ կոլորիտով և որոնց աշխատանքներով հպարտանում է ինչպես հայ, այնպես էլ վրացի արվեստասեր հասարակայնությու Նախագծի հեղինակ և համակարգող, շնորհաշատ նկարչուհի Իրենա Օհանջանովան անվանեց գեղանկարչության թիֆլիսահայ դպրոցի ներկայացուցիչներ երջանկահիշատակ Ալբերտ Դիլբարյանի, Լև Բայախչևի, Ռոբերտ Կոնդախսազովի, Գայանե Խաչատրյանի և այսօր էլ գեղանկարչի վրձինը վայր չդնող Զուլեյկա Բաժբեուկ-Մելիքովայի անունները, ում 120 կտավները տեղ են գտել ալբոմում, ուղեկցվելով Դավիթ Անդրիաձեի անկրկնելի էսսե վերլուծականներով: ՀՀ Արդարադատության նախարար Հովհաննես Մանուկյանը, որ դեռևս Վրաստանում ՀՀ արտակարգ և լիազոր դեսպանի պաշտոնում աշխատանքի տարիներին հղացել էր վրացական գեղանկարչության թիֆլիսահայ վարպետների հետքը մեկ ժողովածուով անմահացնելու և սերունդներին ներկայացնելու գաղափարը, արվեստը դասեց այն կամուրջների շարքը , որոնք շաղկապում և դեպի ապագան են մղում դարավոր բարեկամ ժողովուրդների համագործակցությո Իր օրհնությունը հղելով ներկաներին, Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը բարձր գնահատեց արվեստի և մշակույթի գործիչների դերը երկու քրիստոնյա ժողովուրդների կյանքում, կարևորեց նրանց գործունեությունը շարունակելու և ժողովրդական ձեռքբերումները միմյանց հասանելի դարձնելու սերունդների առաքելությունը: Թիֆ(Թբի)լիս-ի – Նոր Բաբելոն» ալբոմ-գիրքը հրատարակվել է հայերեն, վրացերեն և անգլերեն լեզուներով և հայտնի ստեղծագործությու
|
