Վիրահայոց թեմի «Հայարտուն» կենտրոնը Վրաստանում գործող մյուս հայ հասարակական կազմակերպությունների հետ համատեղ պատրաստվում է հավուր պատշաճի նշանավորել Հայոց Մեծ Ցեղասպանության 98-րդ տարելիցը: «Հայարտուն» կենտրոնի նախաձեռնությամբ ապրիլի 24-ին ընդառաջ, ամեն կիրակի, «Հայարտուն» կենտրոնի Գալուստ Գյուլբենկյան սրահում կցուցադրվեն Հայոց Մեծ Եղեռնին նվիրված վավերագրական և գեղարվեստական ֆիլմեր:

Այդ շարքը մեկնարկեց ապրիլի 7-ից ռեժիսոր Էնդրյու Գոլբերգի «Հայոց ցեղասպանություն» վավերագրական ֆիլմի ցուցադրմամբ:

Ֆիլմերի ցուցադրումը կշարունակվի ամեն կիրակի, ժամը 14.00-ին: Մուտքն ազատ է: