| Նինոծմինդայում բացվեց ցեղասպանության հիշատակին նվիրված հուշարձան |
 |
 |
 |
|
Ապրիլի 23-ին, Նինոծմինդայի Սուրբ Սարգիս եկեղեցում Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի հանդիսապետությամ Հուշարձանի բացման և օծման արարողությանը ներկա էին Վրաստանի խորհրդարանի հայազգի պատգամավորները, Վրաց Ուղղափառ Սուրբ Եկեղեցու Ախալքալաքի և Նինոծմինդայի վրացական թեմի առաջնորդ միտրոպոլիտ Նիկոլոզը, շրջանային վարչության և սակրեբուլոյի ղեկավարներ, վիրահայ համայնքային կառույցների ղեկավարներ, հյուրեր Երևանից, Թբիլիսիից, Ջավախքի տարբեր շրջաններից և գյուղերից: Միջոցառման կազմակերպիչ մշակույթի շրջանային բաժնի ղեկավար և տեղի Ռաֆայել Ղարսլյան (Ջավախ) կենտրոնի տնօրեն Գևորգ Սնխչյանի բացման խոսքից հետո հուշարձանի սավանը իջեցրին Վրաստանում ՀՀ արտակարգ և լիազոր դեսպան Հովհաննես Մանուկյանը և ռուսաստանաբնակ բարերար Արմեն Ղարսլյանը: Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի, Սամցխե Ջավախքի և Ծալկայի ընդհանուր առաջնորդական փոխանորդ Տեր Բաբգեն վարդապետ Սալբիյանի և հոգևոր դասի մասնակցությամբ կատարվեց հուշարձանի օծման հանդիսավոր կարգ: Բոլոր ելույթ ունեցողները դատապարտեցին ցեղասպանությունը որպես մարդկության դեմ կատարված ոճրագործություն և պահանջատիրոջ իրավունքով քաղաքակիրթ աշխարհին կոչ արեցին ճանաչել հայոց ցեղասպանությունը Միջոցառման ընթացքում հնչեցին երգեր Նինոծմինդայի երաժշտական դպրոցի և մշակույթի կենտրոնի սաների կատարմամբ (խմբավար՝ Իրինա Ղարսլյան): Միջոցառումն ավարտվեց բանաստեղծ Գևորգ Սնխչյանի խոսքերով և երաժշտությամբ «Ծիծեռնակաբերդ» երգով: Հոգևոր հայրերի աղոթքի ներքո ներկաները ծաղիկներ դրեցին հուշարձանի պատվանդանին:
|
