Հայ Առաքելական Սուրբ Եկեղեցին, 2015 թվականի մայիսի 14-ին նշեց Քրիստոսի Համբարձման տոնը և Հայոց Հայրապետական Աթոռը՝ Սսից Վաղարշապատ փոխադրության հիշատակը: Տոնի կապակցությամբ առավոտյան Թբիլիսիի Սուրբ Էջմիածին Եկեղեցում հոգևոր դասի մասնակցությամբ մատուցվեց Սուրբ և Անմահ Պատարագ:

Այս խորագիրն էր կրում Վիրահայոց թեմի «Հայարտուն» կենտրոնի Ասմունքի խմբակի բաց դասը, որը նվիրված էր Հայոց Ցեղասպանության 100-րդ տարելիցին: Գալուստ Գյուլբենկյան դահլիճում 2015 թվականի մայիսի 12-ին ներկայացվեց գրական-երաժշտական մոնտաժ, որտեղ դպրոցահասակ 13 հայ պատանիներ ու աղջիկներ իրենց հուզումնալից ասմունքով, ներկաներին տեսանելի դարձրեցին այն օրերի արհավիրքը, որի զոհը դարձավ մեկ ու կես միլիոն հայ: Ուսուցչի՝ Թբիլիսիի Պետրոս Ադամյանի անվան հայպետդրամայի թատրոնի դերասան Սամվել Էլբակյանի անդուլ և մանրակրկիտ աշխատանքի արդյունքում, գրական մոնտաժի մասնակիցները սահուն խոսքով, մտածված շեշտադրությամբ և չթաքնված հուզմունքով կարողացան հանդիսականներին մեկ անգամ կրկին ներկայացնել Հայոց Եղեռնի մահասարսուռ օրերը, անմեղ մարդկանց. երեխաների, կանանց ու տարեցների դաժանաբար նահատակության պատկերները, հայի լուսավոր մտքի ոչնչացմանն ուղղված թուրք ենիչերիների ծրագրերն ու անմարդկային գործողությունները:

2015 թվականի մայիսի 9-ին, «Եվրոպայի շաբաթ» ծրագրի շրջանակներում, Վրաստանի Ազգային Խորհրդարանային գրադարանում կայացավ Վրաստանի արտաքին գործերի նախարար տիկին Թամարա Բերուչաշվիլու հանդիպումը երկրի տարբեր բուհերում սովորող ուսանողների հետ: Հանդիպմանը Վիրահայոց թեմի երիտասարդական բաժնի ուսանողների հետ աշխատանքների համակարգող Նինա Սերոպովայի գլխավորությամբ մասնակցեցին նաև Վրաստանի տարբեր բուհերում սովորող հայազգի ուսանողները:

Թբիլիսիի «Կովկասյան տուն» միջմշակութային կենտրոնի հերթական միջոցառումը նվիրված էր 19-րդ դարի երկրորդ կեսից իրենց գործունեությամբ հայտնի բարերարներ Թամամշևների տոհմին: Միջոցառումը նախաձեռնել էր կենտրոնի անդամ Վիկտորյա Մաքսոևան և իրականացրել «Կովկասյան տուն» միջմշակութային կենտրոնի աջակցությամբ: Թամամշևների արժանավոր տոհմացեղի հիշատակի երեկոն ընթանում էր մի դահլիճում, որտեղ Թբիլիսիին նվիրած իր կտավներն էր ներկայացրել ճանաչված նկարիչ Թենգիզ Միքոյանցը: Իսկ «Գարի Դավթյան» տիկնիկային մշակույթի կենտրոնի տիրուհի Ժաննա Դավթյանը ստեղծել էր պահպանված իրերով 19-րդ դարին համահունչ ինստալյացիա: Երեկոյին ներկա էր Թամամշևների տոհմից Ալեքսանդրի թոռնուհին՝ Նատալյա Թամամշևան: