Վիրահայոց թեմի երիտասարդական բաժնի ակտիվիստները կազմակերպեցին հերթական օգնությունը աղետից տուժածների համար: Բաժնի ակտիվիստները, հունիսի 16-ին, թեմի երիտասարդական բաժնի աշխատանքների համակարգող Նինա Սերոպովայի հետ միասին, ներկայացան Թբիլիսիի Դիդուբե- Չուղուրեթի շրջանային վարչություն և Թեմի ու «Հայարտուն» կենտրոնի անունից հանձնեցին օգնության հերթական քանակությունը: Տոպրակների մեջ տեղավորված էին սննդամթերք, տարբեր տեսակի ձավարեղեն, անձնական հիգիենայի միջոցներ, հագուստ :

Վիրահայոց թեմի երիտասարդական բաժինը շարունակում է մասնակցությունը բարեգործական գործողությանը: